قانون الطابور
إذا كنت صافف بطابور وهاد الطابور بطيء ورحت وقفت بطابور تاني ، الطابور اللي غيرته فجأة بيصير يمشي أسرع من اللي انت فيه!!
قانون التليفون
ولا مرة اتصلت على رقم غلط وطلع مشغول!!
قانون التصليح
بعد ما توسخو اديك من الشحم تبع ماكينة السيارة ، أنفك بيصير يحكك!!
قانون المعدات
إذا وقع من إيدك أي شي ، تأكد انه حيتـدحرج إلى أن يوصل لمكان ما بتقدر تطلعه منه إلا بشق النفس!!
قانون الأعذار
إذا تأخرت عن الدوام وقلت لمديرك أنو دولاب السيارة بنشر بس لمجرد اختلاق عذر للتأخير ، اليوم اللي بعده الدولاب بيبنشر!!
قانون الدوش
بعد وضع الماء الساخن و الصابون على جسمك يبدأ التلفون بالرنين و لا يسكت أبدا !!
قانون الالكترونيات
إذا أخذت جهاز إليكتروني عطلان عند مصلح ، ولما يجربه المصلح قدامك بيشتغل أحسن ما يكون!!
قانون القهوة
أول ما تساوي فنجان قهوة وبدك تشربه وتمخمخ عليه ، بيجي مديرك وبيعطيك شغلة ما تخلص الا لما تبرد قهوتك!!
قانون المصادفات
إذا كنت مع واحد أو وحدة مابدك حدا يشوفك معهم ، فجأة كل اللي بتعرفهم بيطلعو قدامك!!